یہی تمہارے لئے بہتر

کیا تمہیں یقین ہے؟
کہ جب تم واپس آؤ گے
تو سب کچھ ویسا ہی ہوگا
جیسا چھوڑ کے جا رہے
سنو!
جیسے تمہارا جانا ایک تبدیلی ہے
اور تمہارا کہیں پہنچنا بھی
اور پھر جس طرح تمہاری واپسی بھی ایک تبدیلی ہو گی
بالکل اسی طرح اس متحرک کائنات میں
جانے کتنی تبدیلیاں ہیں جو لمحہ بہ لمحہ ہوتی رہتی ہیں
اسی لئے تمہیں چاہئیے کہ جب واپس آؤ
تو یہاں کا کوئی بھی نقشہ تمہارے ذہن میں ایسا نہیں ہونا چاہئیے
جیسا کہ چھوڑ کے جارہے ہو
کیونکہ تمہارے لئے یہی بہتر ہے اور تمہارے ساتھ ساتھ
ہر واپس لوٹنے والے کے لئے بھی

فرحت عباس شاہ