پیش هر تیره دل از باب وفا هرف مزن،
جبر بینی ز خسی هم، ز قفا هرف مزن!
بر دهان ات زن و قفلی ز بدی یاد مکون،
کم بگو، بیش مگو و ز جفا هرف مزن!
بر خداوند هوالت کن اگر خوار کنند،
تاب غدار نداری، بخدا، هرف مزن!
دردا بر قفس سبر به مهبس بنیشان،
تا زمان تو رسد، جز به دعا هرف مزن!
تا زبان نیست به زنجیر خرد بسته ی راز،
آن قدر تند مگو، تلخنما هرف مزن!
تا زمان می گزرد، در گزر امن بزی،
بار اندیشه کش و در همه جا هرف مزن!
واجیدا، عقل و خرد را مکون از آئنه دور،
در مسیر شبی، تا سبح سفا هرف مزن!
واجید اشتی
13.10.2023
ТО СУБҲИ САФО ҲАРФ МАЗАН
Пеши ҳар тирадил аз боби вафо ҳарф мазан,
Ҷабр бинӣ зи хасе ҳам зи қафо ҳарф мазан!
Бар даҳонат зану қуфле зи бадӣ ёд макун,
Кам бигӯ, беш магӯву зи ҷафо ҳарф мазан!
Бар Худованд ҳаволат кун, агар хор кунанд,
Тоби ғаддор надорӣ, бахудо ҳарф мазан!
Дардро бар қафаси сабр ба маҳбас бинишон,
То замони ту расад, ҷуз ба дуъо ҳарф мазан!
То забон нест ба занҷири хирад бастаи роз,
Он қадар тунд магӯ, талхнамо ҳарф мазан!
То замон мегузарад, дар гузари амн бизӣ,
Бори андеша кашу дар ҳама ҷо ҳарф мазан!
Воҷидо, ақлу хирадро макун аз оина дур,
Дар масири шабӣ, то субҳи сафо ҳарф мазан!
( Vojidi Ashti )
13.10. 2023
