شبنم بہ گلِ لالہ نہ خالی زادا ہے

شبنم بہ گلِ لالہ نہ خالی زادا ہے
شبنم بہ گلِ لالہ نہ خالی زادا ہے
داغِ دلِ بے درد، نظر گاهِ حیا ہے
دل خوں شدہ کشمکشِ حسرتِ دیدار
آئینہ بہ دستِ بتِ بدمستِ حنا ہے
شعلے سے نہ ہوتی، ہوسِ شعلہ نے جو کی
جی کس قدر افسردگئ دل پہ جلا ہے
تمثال میں تیری ہے وه شوخی کہ بصد ذوق
آئینہ بہ اند ازِ گل آغوش کشا ہے
قمری کفِ خا کستر و بلبل قفسِ رنگ
اے نالہ! نشانِ جگرِ سو ختہ کیا ہے؟
خو نے تری افسرده کیا وحشتِ دل کو
معشوقی و بے حوصلگی طرفہ بلا ہے
مجبوری و دعوائے گرفتارئ الفت
دستِ تہِ سنگ آمده پیمانِ وفا ہے
معلوم ہوا حالِ شہیدانِ گزشتہ
تیغِ ستم آئینۂ تصویر نما ہے
اے پرتوِ خورشیدِ جہاں تاب اِدھر بھی
سائے کی طرح ہم پہ عجب وقت پڑا ہے
سر رشتۂ بے تابئِ دل در گرهِ عجز
پرواز بخوں خُفتہ و فریاد رسا ہے
ناکرده گناہوں کی بھی حسرت کی ملے داد
یا رب اگر ان کرده گناہوں کی سزا ہے
بیگانگئِ خلق سے بیدل نہ ہو غالبؔ
کوئی نہیں تیرا، تو مری جان، خدا ہے