غزل
یک لخت قصرِ قلب پہ برقِ تپاں گری
اِک زلزلہ سا آگیا دیوارِ جاں گری
اب ہے کہاں متاعِ وفا کچھ نہ پوچھیے
کیوں رفتہ رفتہ قیمتِ جنسِ گراں گری
طوفانِ جبر سے نہیں محفوظ گلستاں
اِک ایک کر کے شاخِ درختِ اماں گری
تم نے تو مسکرا دیا راغبؔ کو دیکھ کر
کیا جانو تم کہ برقِ تبسم کہاں گری
شاعر: افتخار راغبؔ
کتاب: یعنی تُو
یک لخت قصرِ قلب پہ برقِ تپاں گری
اِک زلزلہ سا آگیا دیوارِ جاں گری
اب ہے کہاں متاعِ وفا کچھ نہ پوچھیے
کیوں رفتہ رفتہ قیمتِ جنسِ گراں گری
طوفانِ جبر سے نہیں محفوظ گلستاں
اِک ایک کر کے شاخِ درختِ اماں گری
تم نے تو مسکرا دیا راغبؔ کو دیکھ کر
کیا جانو تم کہ برقِ تبسم کہاں گری
شاعر: افتخار راغبؔ
کتاب: یعنی تُو
