او بے پرواہ سجن

او بے پرواہ سجن
میری تم سے ہے پہچان
او بے پراہ سجن
میرے توڑ نہ مان گمان
او بے پرواہ سجن
مرے پتے پیڑ اور گُل
بے مول گئے سب تُل
سب گیا ہے ریت میں رُل
مجھے دے گیا جیون جُل
میرا ہو گیا خاک جہان
او بے پرواہ سجن
میرے سینے پیاس جلے
میری آنکھ میں آس جلے
لُوں لُوں میں باس جلے
دل درد شناس جلے
میری راکھ ہوئی ہے جان
او بے پرواہ سجن
سب وعدے قول، قرار
سب موسم، گل گلزار
سب ہار، سنگھار نکھار
اک تم بن دل پہ بار
سب تم بن توڑی دھان
او بے پرواہ سجن
میرے، قرار نہ بات
مرا رنگ نہ ڈھنگ نہ ذات
کوئی بام نہ شام نہ رات
کوئی شان نہ آن نہ ذات
تم بن بے نام نشان
او بے پراہ سجن
فرحت عباس شاہ