لُطفِ دیدارِ آخری بھی سہی
آخری بار یہ خوشی بھی سہی
ہے بدن سوز باد نیم شبی
ایسے عالم میں چاندنی بھی سہی
کرب معمول کے مطابق ہے
خواہش طول زندگی بھی سہی
ازرہِ دلدہی مرے غم میں
مجھ سے دعوائے ہمسری بھی سہی
کتنا گہرا تھا ربطِ شوق کبھی
اب یہی ربط سرسری بھی سہی
کسی عنوان وقت گزرے تو
وقت گزرے تو جانکنی بھی سہی
جون ایلیا
آخری بار یہ خوشی بھی سہی
ہے بدن سوز باد نیم شبی
ایسے عالم میں چاندنی بھی سہی
کرب معمول کے مطابق ہے
خواہش طول زندگی بھی سہی
ازرہِ دلدہی مرے غم میں
مجھ سے دعوائے ہمسری بھی سہی
کتنا گہرا تھا ربطِ شوق کبھی
اب یہی ربط سرسری بھی سہی
کسی عنوان وقت گزرے تو
وقت گزرے تو جانکنی بھی سہی
جون ایلیا
