میرے غصے کے بعد بھی تم نے

میرے غصے کے بعد بھی تم نے
کب تجھ کو مہکنا ہے، کب تجھ کو دمکنا ہے
اے رنگِ یقیں افروز، اے بوئے گماں انگیز
میرے غصے کے بعد بھی
فارہہ کیا بہت ضروری ہے
ہر کسی شعر ساز کو پڑھنا
کیا میری شاعری میں کم ہے گداز
کیا کسی دل گداز کو پڑھنا
یعنی میرے سوا بھی اور کسی
شاعرِ دل نواز کو پڑھنا
کیا کسی اور کی ہو تم محبوب
کیوں کس فن طراز کو پڑھنا
یعنی خود اپنے ہی کرشموں کی
داستانِ دراز کو پڑھنا
ٹھیک ہے گر تمہیں پسند نہیں
اپنی رُوداد کو پڑھنا
واقعی، تم کو چاہئے بھی نہیں
مجھ سے بے امتیاز کو پڑھنا
کیوں تمہاری اَنا قبول کرے
مجھ سے اِک بے نیاز کو پڑھنا
میرے غصے ک بعد بھی تم نے
نہیں چھوڑا مجازؔ کو پڑھنا
جون ایلیا