بحرِ ہزج
میں دوشا دوشیِ بیگانگی سے بے حسابانہ
زبوں تر ہو کہ آیا ہوں
میں دوشا دوشیِ بیگانگی سے
سرنگوں تر ہو کہ آیا ہوں
۔۔۔۔۔۔۔۔۔۔۔
غمِ شفافِ سوزاں آسماں سے آسمانوں تک
کسی احساس سے اُس کی کنایہ زن نکوہش سے بھی
مایہ ور نہیں کرتا
کوئی بھی لمحہ ہو وہ دوسرے کو سر نہیں کرتا
۔۔۔۔۔۔۔۔۔۔۔
پیاپے اب سے اب تک ایزداں ایزد ہے
اہریمن ہے اور ان میں سے اک میں ہوں
مگر ہم میں سے آخر اپنا ہونا اور ہو سکنا
گمانوں کے گماں میں کون سہہ پائے گا
آخر کون؟
یعنی کون سہہ پایا؟
۔۔۔۔۔۔۔۔۔۔۔
سوال از خود، سوال ازخود
ملال ازخود، ملال ازخود
عزابِ صد عزاب ازخود
جواب ازخود، جواب ازخود
۔۔۔۔۔۔۔۔۔۔۔
“مگر اُن کا کوئی آہنگ تو ہوگا
سخن آگیں خموشی کا کوئی نیرنگ تو ہوگا”
“فقط بحرِ ہزج! یعنی
مفاعلین مفاعلین مفاعلین مفاعلین”
جون ایلیا
میں دوشا دوشیِ بیگانگی سے بے حسابانہ
زبوں تر ہو کہ آیا ہوں
میں دوشا دوشیِ بیگانگی سے
سرنگوں تر ہو کہ آیا ہوں
۔۔۔۔۔۔۔۔۔۔۔
غمِ شفافِ سوزاں آسماں سے آسمانوں تک
کسی احساس سے اُس کی کنایہ زن نکوہش سے بھی
مایہ ور نہیں کرتا
کوئی بھی لمحہ ہو وہ دوسرے کو سر نہیں کرتا
۔۔۔۔۔۔۔۔۔۔۔
پیاپے اب سے اب تک ایزداں ایزد ہے
اہریمن ہے اور ان میں سے اک میں ہوں
مگر ہم میں سے آخر اپنا ہونا اور ہو سکنا
گمانوں کے گماں میں کون سہہ پائے گا
آخر کون؟
یعنی کون سہہ پایا؟
۔۔۔۔۔۔۔۔۔۔۔
سوال از خود، سوال ازخود
ملال ازخود، ملال ازخود
عزابِ صد عزاب ازخود
جواب ازخود، جواب ازخود
۔۔۔۔۔۔۔۔۔۔۔
“مگر اُن کا کوئی آہنگ تو ہوگا
سخن آگیں خموشی کا کوئی نیرنگ تو ہوگا”
“فقط بحرِ ہزج! یعنی
مفاعلین مفاعلین مفاعلین مفاعلین”
جون ایلیا
