سرِ شام ایسی ہوا چلی تری یاد، یار مہک اٹھی
مری جو بہار خزاں ہوئی، مری وہ بہار مہک اٹھی
کبھی سانس لی جو خیال میں، تری جلوہ گاہِ وصال میں
تو ہوائے فرقتِ شہرِ دل، سرِ رہگزار مہک اٹھی
وہ شمیمِ قول و قرارِ جاں، مجھے آئی یاد جو ناگہاں
تو مرے وجود میں پھر کوئی، شبِ انتظار مہک اٹھی
جو کبھی دریچہء دل کُھلا، تو وہی فضا تھی وہی صبا
تو وہی تنفّسِ رنگ تھا، نظر ایک بار مہک اٹھی
رَسَدِ مَشامِ فِراق ہے، اس شہرِ نَکہَت و ناز سے
کوئی یاد جو کبھی آ گئی، کوئی یادگار مہک اٹھی
جون ایلیا
مری جو بہار خزاں ہوئی، مری وہ بہار مہک اٹھی
کبھی سانس لی جو خیال میں، تری جلوہ گاہِ وصال میں
تو ہوائے فرقتِ شہرِ دل، سرِ رہگزار مہک اٹھی
وہ شمیمِ قول و قرارِ جاں، مجھے آئی یاد جو ناگہاں
تو مرے وجود میں پھر کوئی، شبِ انتظار مہک اٹھی
جو کبھی دریچہء دل کُھلا، تو وہی فضا تھی وہی صبا
تو وہی تنفّسِ رنگ تھا، نظر ایک بار مہک اٹھی
رَسَدِ مَشامِ فِراق ہے، اس شہرِ نَکہَت و ناز سے
کوئی یاد جو کبھی آ گئی، کوئی یادگار مہک اٹھی
جون ایلیا
