به هر یک شادئ بازیده صد غم میخرم امروز؟!
نه بر دل شادی افزاید، نه دلبر دلبری داند
از ائن دلبازی و مجنونی ها درد سرم امروز!
ز ناکامئ پیوسته بشد جوان و دلم خسته
چو توب از لگد رسته ز نو بازیگرم امروز!
غربی‌ها و تنهای مرا بنمود سودای
در ائن بازار صدوای همان سوداگرم امروز!
نکردم لابه بر هر کس، نگشتم بنده ی ناکس
چو آینه شدم صدپاره از مضراب غم امروز!
شکست من به چشم ناتوانبینان نشاط افزود
ز دشمنانبازی ها سیرم نمود اشک ترم امروز!
بیا، واجید ز باغ نازنینان گل مچین، ک- ز ناز
به روز وصل و خوشبختی نیآید باورم امروز!
واجید اشتی
05.10. 2023
Чи сон дунёст ин дунё, ки маҳву музтарам имрӯз?
Ба ҳар як шодии бозида сад ғам мехарам имрӯз?!
На бар дил шодӣ афзояд, на дилбар дилбарӣ донад
Аз ин дилбозиву Маҷнуниҳо дарди сарам имрӯз
Зи нокомии пайваста бишуд ҷону танам хаста
Чу тӯби аз лагад раста зи нав бозингарам имрӯз?
Ғарибиҳову танҳоӣ маро бинмуда савдоӣ
Дар ин бозори садвоӣ ҳамон савдогарам имрӯз!
Накардам лоба бар ҳар кас, нагаштам бандаи нокас
Чу оина шудам садпора аз мизроби ғам имрӯз!
Шикасти ман ба чашми нотавонбинон нишот афзуд
Зи душманбозиҳо серам намуд ашки тарам имрӯз!
Биё, Воҷид, зи боғи нозанинон гул мачин, к-аз ноз
Ба рӯзи васлу хушбахтӣ наояд боварам имрӯз!
ВОҶИДИ АШТӢ
05.10. 2023
