Чист Бо Ишқ Ошно Будан – Мавлоно Ҷалолуддини Балхӣ

Чист бо ишқ ошно будан,
Ба ҷуз аз коми дил ҷудо будан?!
Хун шудан, хуни худ фурӯ хӯрдан,
Бо сагон бар дари вафо будан!
Ӯ фидойист, ҳеч фарқе нест
Пеши ӯ маргу нақл ё будан!
Рав, мусулмон, сап-саломат бош,
Ҷаҳд мекун ба порсо будан!
К-ин шаҳидон зи марг нашкебанд,
Ошиқонанд бар фано будан!
Аз балову қазо гурезӣ ту,
Тарси эшон зи бебало будан!
Шаша мегиру рӯзи ошӯро
Ту натонӣ ба Карбало будан?!