عالم سا عالم ہے اب تم یاد نہیں آتے

عالم سا عالم ہے اب تم یاد نہیں آتے
کیسا قاتل غم ہے اب تم یاد نہیں آتے
دنیا یعنی دنیا میری دل دنیا
درہم اور برہم ہے اب تم یاد نہیں آتے
اک بے احوالی سی ہے ایسی جو ہے پیش از پیش
حالت دل کم کم ہے اب تم یاد نہیں آتے
زخم ہیں سینے کے کجلائے اور سر شب سے
داغ کی لو مدھم ہے اب تم یاد نہیں آتے
اب ہیں تمہاری الجھی زلفیں سلجھانا آسان
زلف شب بے خم ہے، اب تم یاد نہیں آتے
زخموں کی ہر فصل ہے گزری بس بے فصلی میں
مرہم ہی مرہم ہے اب تم یاد نہیں آتے
دشت تحیر بے جنبش ہے اور عجب کچھ ہے
ہر آ ہو بے رم ہے اب تم یاد نہیں آتے
اب نہیں دل کا کوئی زمانہ بھی
آن سی جم جم ہے اب تم یاد نہیں آتے
اب تو بس روز انگی یک طور سی حالت ہے
کو کچھ ہے پیہم ہے اب تم یاد نہیں آتے
سوز و سلام و مرثیہ کیسا،کیسا ذکر بھلا
مجلس بے ماتم ہے اب تم یاد نہیں آتے
محرم نا محرم ٹھہرا ہے یعنی کوئی بھی
نا محرم، محرم ہے ، اب تم یاد نہیں آتے
جون ایلیا