Ҳин, ки бишуд умр чунин ҳушёр!
Ҷони ҷаҳон, ҷони маро даст гир,
Чашми ҷаҳон, ҳарфи маро гӯш дор!
Сурати дил омаду пешам нишаст
Бастасару хаставу беморвор!
Дасти маро бар сари худ мениҳод,
К-ай ба ғами дӯст маро дастёр!
Дарди сарам нест зи сафрову таб,
Аз майи ишқ аст сарам пурхумор!
Ин ҳама шева-ст, муродаш туйӣ,
Ай шакарат карда диламро шикор!
Ҷони ман аз нола чу танбӯр шуд,
Ҳоли дилам бишнав аз овози тор!