کبھی آؤ ناز نازاں سوئے بزم بے نیازاں

کبھی آؤ ناز نازاں سوئے بزم بے نیازاں
کہ سکھائیں کچھ ادائیں، تمہیں یہ ادانوازاں
نفس شمیم! تیری ہوس سحر گہی سے
ہیں شکن شکن پریشاں، مرے گیسوئے درازاں
ہے مری خزاں سے نرخ ہوس بہار بالا
ہیں مرے بدن بہاراں، مری اس خزاں پہ نازاں
مرا سرخ فام سرخوش انہیں یاد کر رہا ہے
رہے سر نگوں جو یاراں ہیں کہاں وہ سر فرازاں
جو بدن پہ کھل رہا ہو، وہی چاہیے بدن کو
مرے زخم تیرے زیور، ہیں سبھی زمانہ سازاں
ہے سکوت بیکرانہ، جو نہ تیرہ ہے نہ روشن
ابھی وا نہیں ہوئے ہیں، لب کہکشاں گدازاں
جون ایلیا
Share:

Leave a Reply

Your email address will not be published. Required fields are marked *